محمد يحيى حسن يكتب: ليه بقا حالك كده يا بلدى؟!

كل يوم بعد الساعة التاسعة آخذ الريموت بعد معاناة من أختى الصغيرة وأبدأ فى التنقل بين القنوات الفضائية وأشاهد بتمعن فلا أرى إلا خلافات سياسية وشخصية وحزبية ثم أستمر فى التنقل بين القنوات بحثا عمن يريد الإصلاح والتقدم لمصر فلا أجده يتحدث فاستنتجت أنه بالفعل موجود ولكن كرسيه محجوز فى كل القنوات.
فإذا بى أحول على قناة دينية لعلى أجد ما يشغل بالى وهنا أشاهد العجب العجاب فأرى رجال الدين يتحدثون فى ما لا يعنيهم وبألفاظ خارجة وبأخلاق لم يشهدها العالم من قبل من المسلمين ولكنها المصالح والسياسة وهى اللعبة التى يباح فيها كل الممنوع ولذا لا أزال لا أجد مصر فى كل هذا!!!! وهذه قصيدة ألفتها عن حال بلدى بعنوان "حال مصر".
آه يا بلد يا اللى الظلم ماليكى
مابقتش عارف هموت إمتى وأنا عايش فيكى

مات شبابك فى الثورة
وشربت دمهم أراضيكى

قلنا خلاص زمن الظلم انتهى
وراح اللى كان مش حاميكى

عشنا فى ظلم وقهر وذل
لكن نوعدك هنخلصك من كل بلاويكى

هعيش فيكى وعشانك يا مصر
ولآخر يوم فى عمرى هفضل متمسك بيكى

قالو عنك أرض الخير وأم الدنيا
طول ما النيل ليكى راويكى

مسلم ومسيحى بيخاف عليكى
وفى وقت الحرب بروحنا نفديكى

خيرك عمره ماهيخلص
طول ما ربنا هو اللى راعيكى