لمن قال محمد عادل إمام: أنت أكبر مثال للجدعنة

نشر الفنان محمد عادل إمام، تعليقا عبر صفحته على موقع التواصل الاجتماعى فيسبوك يعلن فيه عن تعرضه لازمة اثناء تصوير احدث افلامه "ليلة هنا وسرور" الذى عرض فى موسم عيد الفطر الماضي.

وقال: "في فيلم ليلة هنا وسرور، كان المفروض فيه نجم كبير هيقوم بدور ابن عمي سلطان.. النجم ده اعتذر في آخر وقت لظروف خاصه بيه والمشهد كان فعلًا صعب وكان بقٰلنا كتير بنستعدله مع فريق الاكشن اللي جاي من بره.. ده غير ان الديكور كان مبني وكانت هتبقى خسارة جامدة للمنتج لو كنا أجلنا تصوير المشهد".

وأضاف إمام: "المهم كلمت أحمد السعدني وكان لسه خارج اليوم اللي قبله من المستشفى لأسباب صحية وقلتله "عندي مشكله ومحتاجك".. نص ساعة لقيته داخل عليا في التصوير.. قعد يتمرن يوم بحاله وهو عيان على مشهد الاكشن اللي هيصوره وتاني يوم قعد نحو ٢٠ ساعه يصور في المشهد بدون اي مقابل.. السعدني أكبر مثال على "الأخ الجدع".. ربنا يخليك ليا يا أخويا يا حبيبي".

يذكر ان الفيلم شارك فى بطولته ياسمين صبرى وفاروق الفيشاوى وتأليف محمد عز الدين واخراج حسين المنباوى وتدور الأحداث حول النصاب المحترف رضا (محمد إمام)، الذي يعود من إيطاليا لسرقة تمثال أثري، وينتحل شخصية رجل أعمال يُدعى (سرور أبو الدهب)، ويتعرف على الفتاة هنا (ياسمين صبري) ويتزوج منها، ويوهمها بأنه يعمل لدى المخابرات المصرية، وأن الموساد يتعقبه لسرقة التمثال، في الوقت ذاته يتربص به زعيم العصابة الحاج الضو (فاروق الفيشاوي) ليسرق نفس التمثل.