بالفيديو.. عمرو أديب للرئيس: مصر مش "قفا" وإنت مش حلاق بيجرّب فينا.. والحكومة الحالية لن تقدم شيئًا للشعب

عمرو أديب للرئيس: كل يوم ليك قرار للأمام وخطوتين للخلف
مصر مش "قفا" وإنت مش حلاق بيجرب فينا
أؤيد 3 تغييرات وزارية
قال الإعلامي عمرو أديب إن "الحكومة لم تجرِ أي تعديل وزاري ومازال النظام يعتمد على أسلوب من نثق فيهم أفضل ممن سيقدّم تغييرًا إلى مصر، وإن الحكومة الحالية لن تفعل شيئًا للشعب المصري".
ووجّه أديب كلمة إلى الرئيس محمد مرسي قائلاً: "يا جماعة أنا زهقت من حكاية استنى نشوف هيعملوا إيه.. مصر مش "قفا" وإنت مش حلاق بيجرّب فينا.. إحنا بلد كبيرة.. إنت كل يوم ليك قرار للأمام وخطوتين للخلف".
وأضاف: "المشكلة في رئيس الحكومة، الدكتور هشام قنديل يجب أن يرحل، وهو لا يملك أي رؤية ولا يستطيع أن يقود 30 مواطنًا لعمل تغيير، وزير التنمية المحلية الجديد لما جابوه محافظًا للمنوفية قعّدوه شهرين وبعدها جابوه وزير للتنمية، بس هو مين؟! طب هو إزاي؟!".
وتابع: "إحنا عندنا مشكلة في وزارة المالية.. ومحتاجين واحد أستاذ لتعديل الميزانية.. رحت جبت أستاذ من الجامعة.. إيه اللي أنتم بتعملوه ده.. وكمان وزير الداخلية باقولكم من النهارده.. إيدك من الداخلية والأرض بعد ما مشى وزير الداخلية.. كل ده عشان زعل مولانا والراجل العظيم اللي إنت طلبت منه حاجات عشان يعملك حاجات.. ماحدش بقى يقدر يدوس على طرف لأي واحد بدقن في البلد"، في إشارة إلى حازم صلاح أبوإسماعيل.
وأشار أديب، خلال برنامجه "القاهرة اليوم" على قناة "اليوم"، إلى أنه يؤيد 3 تغييرات وزارية أولها وزير الاتصالات وثانيها وزير الكهرباء وآخرها وزير الداخلية.