EN 
علق الإعلامي تامر أمين علي تهنئة المسلم لغير المسلم بأعياده، قائلا: «لما أقول للمواطن المسيحي كل سنة وانت طيب بمناسبة عيدك هل معني كدا إني خرجت من ديني أو عملت حاجه تغضب ربنا».
وقال "أمين"، خلال تقديمه برنامج "آخر النهار"، المُذاع عبر فضائية "النهار"،: «تهنئة المسيحيين ليس فيها شيء، وربنا أمرنا بمساعدتهم لما يكونوا إخوانا في البشرية مش إخوانا في الدين، ما بالك بقا في أعيادهم أما نقولهم كل سنة وانت طيب».
وأضاف: «الموضوع سهل وبسيط، ولا يجب أن يستمع المواطن إلي الشيوخ التي تفتي بحرمة تهنئة المسيحيين، ولا يجب أن يسأل دلوقت هو أنا أعيد علي جاري المسيحي ولا لأ، المفروض دلوقتي حالا تروح تعيد عليه وتخبط عليه وتقوله كل سنة وانت طيب وأنا آسف علي كل سنة وانت طيب كنت المفروض أقولهالك خلال السنين إللي فاتت وكنت قلقان أو كان فيه واحد شيخ لاعب في دماغي ومخوفني».
