2000 جنيه سجنت فتحية..استلفت لعلاج جوزها.. والرئيس يفرج عنها

"استلفت علشان اعالج جوزى" بهذه الكلمات بدأت فتحية ا ع احدى الغارمات المفرج عنهن ضمن مبادرة الرئيس عبد الفتاح السيسي "سجون بلا غارمين وغارمات"، حديثها لـ "صدى البلد" خلال حفل خروج 70 غارمة من السجون.

بدأت فتحية حديثها قائلة : "جوزى راجل كبير وملازم الفراش، وعندنا بنتين، وانا بشتغل فى بعض الحرف اليدوية اللى بناكل منها عيش ، وفى يوم جوزى تعب وكنت محتاجة اعالجة استلفت 2000 جنيه وكتبت بيهم وصل امانة".

واسطردت حديثها قائلة : " معرفتش اسدد الفلوس اللى عليا، واترجيت اصحاب الدين انهم يستنو عليا شوية ولكنهم رفضوا ورفعوا عليا قضية، اتحكم عليا فيها بـ 3 سنين".

واكمت : "دخلت السجن قضيت 6 شهور بعيد عن جوزى وبناتى الاتنين، ومكنش فى حاجه بتهون ايام السجن عليا غير المعاملة الحسنه اللى بلاقيها من ضباط وضابطات السجن اللى بيوفرولنا كل حاجه".

ووجهت حديثها للرئيس السيسي قائلة : " ربنا يخليك لينا ياريس ويوفقك، علشان فرحتنا وفرحت عيالنا ".