مجدي الجلاد عن هزيمة المنتخب: المشكلة ليست في أجيرى أو اللاعبين

هاجم الكاتب الصحفي مجدي الجلاد، المنتخب المصرى بعد الخروج المهين من بطولة الأمم الأفريقية المقامة على أرض مصر من دور الـ16 أمام فريق جنوب أفريقيا بهدف مقابل لاشئ.

وكتب الجلاد عبر صفحته بموقع التواصل الاجتماعي "فيسبوك": "لما منتخب مصر يلعب بالمستوى ده في بطولة كبيرة على أرضه، يبقي المشكلة مش في المدير الفني ولا اللاعبين، المشكلة في كل عناصر اللعبة في مصر".

واضاف الجلاد: "اتحاد الكرة اللى بيختار المدير الفني بنظام السبوبة، الأندية المحلية اللي بتلعب أسوأ دوري في المنطقة، البيزنس والملايين اللي بيتم إهدارها دون حساب أو مراجعة، وفي النهاية شبابنا يتجرع الإحباط".

وتابع: "الاكتئاب وروح الهزيمة من مهزلة كأس العالم في روسيا 2018 إلى فضيحة جنوب أفريقيا في إستاد القاهرة، الحل مش بإقالة أجيري فالرجل كان في بيته وإحنا اللي جبناه واسألوا المحترم الخلوق حازم إمام عن ملابسات التعاقد مع أجيري".