EN 
نشرت ريهام سعيد، فيديو عبر حسابها الشخصى على موقع الصور"انستجرام " توضح فيه حقيقة الهجوم عليها بعد اعلانها حملة السمنة.
وقالت ريهام سعيد: الحملة كانت ضدى علشان قلت ان التخان شكلهم وحش ومشوهين المنظر، فعلا قلت كده فى سياق حديث أنا مريضة سمنة وبعانى منها وما فوقتش غير لما الأستاذ محمود حميدة جرحنى وأنا بعمل مسرحية معاه فى المسرح القومى.
وأضافت ريهام سعيد " اللى بيقولكوا شكلكوا حلو بيضحك عليكم والناس اللى بتقولكم المهم خفة الدم بيضحك عليكم، وعيب اوى المواقع الإخوانية اللى بتاخذ جمل من نص الحلقة علشان الناس تفهم غلط ، وعارفة سبب زعلهم لانى قلت إنها استجابة لحملة الرئيس السيسى وانه مهتم بصحة الناس".
وتابعت ريهام سعيد"كلوا بعض وكلوا فى نفسكم عارفه ان العلمين الجديدة والعاصمة الادارية وبطولة الامم الافريقية حارقاكم، اتحرقوا اكتر وهنتطور واشتموا زى منتوا عايزين".
وأكملت ريهام سعيد:عامله البوست ده للناس المريضة بالسمنة وأنا منهم بالليل هقولكم على رجيم يخسسكم 10 كيلو فى عشرين يوم ، وانا جربته وخسيتهم ومرجعتهمش وهفضل اديكم حلول وافضل اقول ان التخن بيشوه ولا عمرى بجرح حد واتاكدوا من ما ينشر على المواقع وشوفوا الحلقة قبل ما تصدقوا أى حاجة ".
