جلابيتى خيوطها دابت.. قصيدة جديدة للشاعرة دعاء النمر

الشاعرة دعاء النمر
شاعرة عامية مصرية حاصلة علي بكالوريوس إعلام من جامعة القاهرة ودورات تدريبية في العلاقات العامة وإدارة الأعمال من دبي شاركت في عدة مهرجانات دولية برعاية وزارة الثقافة قدمت العديد من الحفلات الشعرية والمؤتمرات الثقافية.

قامت بإعداد وتقديم برنامج ساعة مع بلقيس علي فضائيات قطاع خاص كماعملت في عدة صحف ورقية وإلكترونية.

وصدر لها أعمال أدبية منها ديوان أحزان بلقيس عامية مصرية.

إلى القصيدة.....

جلابيتى خيوطها دابت
م القعاد فوق الرصيف
حتى خصلة شعرى شابت
واتقلب عمرى خريف

كل ده وانا لسة قاعدة
وقلبى بيقول متخافيش
السنين ع البعد شاهدة
ايه ظروفه متعرفيش

بكرة يرجع بعده يرجع
الوابور ف صريخه يفجع
عينى طلة بشوق عليه
والفراق ان زاد بيوجع

السنين على قلبه هانت
والعيون فاضت عليه
جوة حلقى مر علقم
كان محلى العمر بيه

كنت نفسي يشد عوده
لجل يوم اسند عليه
قالى ياما يومين وهرجع
ياعنى هابعد قد ايه

وعدا ياما حول عليه
فاكرة يومها قالى ايه
كان ف قلبى كلام يقول
انه اخر حضن ليه

لسة انا حاسة بريحته
لسة ماسك حضنى فيه
والوابور عمال يقاوح
قالى اكتب بس ليه