EN 
وجه الرئيس عبد الفتاح السيسى، للمسئولين والإعلام الذين يتداولون الأفكار المغلوطة، قائلًا: "إن الناس بتتناول بشكل مغلوط لأنهم مش عارفين الحكاية ومش عارفين إيه اللي بيتعمل في الدولة".
وأضاف الرئيس عبد الفتاح السيسى، خلال كلمته بافتتاح مجموعة من المشروعات القومية بمحافظة دمياط قائلا: "والله اللى بيتعمل فيكى يا مصر ميخطرش على بال حد، وبحلف بالله محدش أبدًا كان يقدر يفكر فى تطوير بحيرات مصر".
وتابع: "كان مفيش أمل ولا حلم خلاص وكانت العشوائيات والفوضى تاكلها والصرف الصحى والصناعى يلقى بها، والناس مش عايزة تغيير"، مؤكدا أن توضيح الحقائق هو حائط الصد أمام أى استهداف لمصر والمصريين.
وأوضح: "الناس قاعدة تتفرج وتبص وهي ساكتة محدش بيغير المنكر ويرفضه"، مضيفًا: "بسجل ليكم يا مصريين عشان تعرفوا انتوا بتعملوا فى بلدكم إيه دلوقتى واتفرجوا على الـ250 ألف فدان بتوع بحيرة المنزلة دول أما يخلصوا".
ويفتتح الرئيس عبدالفتاح السيسي مشروعات قومية في محافظة دمياط عبر الفيديو كونفرانس، ومنها مشروع الإسكان المتوسط بدار مصر وتضمن 194 عمارة، ومشروع فندق شتيجنبرجر اللسان برأس البر، كما يفتتح محطة متعددة الأغراض بميناء دمياط في حضور كبار المسئولين فى الدولة، والشخصيات العامة.
ويفتتح أيضًا الرئيس عددا من الوحدات السكنية ومراكز التعليم المدنى، وفندق اللسان أول فندق 5 نجوم بمنطقة الدلتا، كما يفتتح الرئيس السيسي مركز التعليم المدني للمؤتمرات ومحطة كهرباء غرب دمياط ، والتي تعد جزءا من إنهاء أزمة الكهرباء بالمحافظة وتوسعات محطة الصرف الصحي في رأس البر، وعددا من مشروعات الإسكان منها مشروع دار مصر للإسكان الاجتماعي.
