قصة مرض شريف مدكور من سرطان القولون إلى فيروس في الدم

شريف قال "كبرت ومبقتش أستحمل .. فيه بعض الإرشادات اللي اتقالتي أنا ما التزمتش بيها وجالي فيروس في الدم، مش عارف إسمه إيه وأدى إلى ارتفاع درجة حرارتي إلى 39.5، والفيروس دة مالوش علاج غير إن الجسم هو اللي يتخلص منه بنفسه".

أضاف شريف أن مناعته لم تعد تحتمل مقاومة الفيروس، وهو ما اضطره الى نقل دم بالأمس في مستشفى دار الشفاء، حتى يتمكن من القضاء على الفيروس".

إهمال العلاج

وجه شريف مدكور نصيحته لمرضى السرطان بعدم القلق من أي تأثير جانبي للعلاج قائلا " مش عايز أي حد عنده كانسر يقلق، أن اللي أهملت في العلاج وما اتبعتش التعليمات وكنت بنزل شغلي عادي وبسلم على الناس وبتعامل معاهم عن قرب وهي حاجات غلط".

وأضاف "كان المفروض ارتاح فترة .. والحمد لله اتحسنت شوية وقادر أتكلم، وبقدر أنزل الشغل أحيانا في الراديو والتلفزيون، ومشكلتي كانت مع الحرارة المرتفعة، الكانسر حاجة عادية ممكن تحصل لأي حد وبتعدي بس ياريت تلتزموا بتعليمات العلاج وبلاش السلامات وبلاش الأحضان والبوس".

تعاطف مع شريف مدكور

انهالت رسائل الدعاء والدعم لـ شريف مدكور للمرة الثانية حيث انتشر فيديو شريف على الفيسبوك مع تعليقات متابعيه التي تمنت له الشفاء العاجل.

الفنانة روجينا قالت لشريف مدكور "الف سلامة عليك ياشريف ربنا يشفيك ويعافيك ويجعلة فى ميزان حسناتك ويقويك انت زى القمر بدقن او من غير دقن".

وعلقت نشوى مصطفى "يارب يارب يشفيك ويعافيك ويبعد عنك مل شر ويديلك الصحة يارب - اجر وعافية ياحبيبى" فيما علقت المذيعة مها بهنسي "يا حبيبي يا شريف ربنا يعافيك و يشفيك يا رب، ارتاح متضغطش على نفسك، Breathe deep and meditate ".

سرطان شريف مدكور

مع نهاية شهر أبريل الماضي، فاجأ شريف مدكور محبيه، حينما أعلن إصابته بورم لا يعرف نوعه إذا كان حميدًا أم خبيثا بالقولون، وكان ذلك من خلال صورة له بأحد المستشفيات، بعد خضوعه لفحوصات طبية استمرت 9 ساعات غادر بعدها إلى منزله.

وبداية شهر مايو، أجرى شريف مدكور جراحة دقيقة لاستئصال المرض، ووجه رسالة إلى جمهوره، فى "لايف" على إنستجرام وهو بالمستشفى الذى أجرى به الجراحة قائلا "كل سنة وانتوا طيبين ورمضان كريم عليكوا .. الحمد لله عملت العملية وإن شاء الله ابقى كويس .. عايز أشكر الناس اللى دعولى .. ربنا يخليكوا ليا.. إن شاء الله ابقى كويس .. كل سنة وانتوا طيبين .. ورمضان كريم".