الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

بسبب مرض زوجها.. عارفة عبد الرسول تروى تجربتها مع مستشفى حكومي بالإسكندرية

عارفة عبد الرسول
عارفة عبد الرسول

نشرت الفنانة عارفة عبد الرسول تعليقا عبر صفحتها على موقع التواصل الاجتماعى فيسبوك كشفت فيه عن تجربتها مع أحد المستشفيات الحكومية فى الاسكندرية بعد مرض زوجها. 
وقالت عارفة: "تجربة خاصة مافيهاش اى تطبيل، مصطفى فجأة جاله ضيق تنفس وصدره واجعه ودى حاجة احنا متعودين عليها عشان اصلا صدره تعبان من زمان، طلبت الاسعاف جت بسرعه اخذته وطلعت على مستشفى خاص". 

وأضافت عبد الرسول قائلة: "ولاحظت ان معظم العاملين شباب صغير حتى مدير المستشفى نفسه، حطوله أنبوب اكسجين وعملوا تحليل دم واشعه وكتبوا شوية أدوية مضاد حيوى وبتاع المهم خرجنا وهو تعبان نص نص، وطبعا لاحظت انهم كل شوية يبصوا لبعض ويبصولى ويرشوا مطهرات خايفين من الكورونا ودفعت ٣٠٠٠ جنيه زى الضرب ع القفا". 

وأوضحت عبد الرسول قائلة: "الصبح ع الساعة عشره طلبنا الاسعاف وعاملي الإسعاف قالولى مادام معاه تأمين يروح جمال عبد الناصر ياست، روحت وانا حاطة ايدى على قلبى، مستشفى حكومه بقى وبتاع". 

وأشارت عارفة قائلة : "فضلوا يحاولوا مع انبوبه الاكسجين ساعات طويله وبعدين نقلوه فى عنايه عاديه وحطوا أدوية مع الاكسجين وع الساعه ٨ مساء نقلوه عنايه مركزه وحطوا انبوب فى صدره لانه اتضح انه التهاب رئوى شديد... واستشاريين كل شويه يمروا ونضافه وتطهير طول الوقت. 

واخيرا قالت عارفة : هو الحمد لله طلع فى اوضه عاديه واحتمال يخرج بكره ..التفاصيل اللى باحكيها عرفناها منه لما سمحوله بتليفون... مشددين قوى لازياره وهو تليفون واحد فى اليوم للسويتش يقولك كويس .... بصراحه.... تحيه تقدير واجلال لمستشفى جمال عبد الناصر للتامين الصحى بالاسكندرية".