عاطف على عبد الحافظ يكتب: ذكريات.. ضيعتها بقسوتك

ذكريات كتيرة
ضيعتها بقسوتك
كنت قوللى
إن دى آخرتك
كنا ليه بنغنى
ودى آخر غنوتك
كنا ليه بنحلم
وهى آخر صحبتك
****
شغلت فكرى
بنظرتك
وخطفت قلبى
بضحكتك
وملكت روحى
برقتك
وماكنتش أعرف
نيتك
****
نسيت لما قلت
بحبك
وحلفت إنها من
قلبك
وكتبت حروفها
بدمك
وأنا من لهفتى
صدقتك
****
ياريت ما قابلتك
ولا يوم عرفتك
كان قلبى ارتاح
لا ندم ولا ألم
ولا ظن خبيث
يراودنى
ولا شك مرير
يحاورنى
يزيد م الجراح
****