الإرهابية بتنفخ في النار.. محمد موسى: مشهد ثاني أيام امتحانات الثانوية العامة مبهر

وأضاف موسى خلال برنامجه "خط أحمر" المذاع عبر فضائية الحدث اليوم،" زي ما حضراتكم شايفين التباعد بين الطلبة اليوم ممتاز مفيش اختلاط فيه نظام في دخول الطلبة لمقار الامتحانات والتعقيم جيد جدا وقياس درجات الحرارة قبل دخول الطلبة ".

أضاف: "ولكن يا أخي تيجي تبص تلاقي اللجان الإلكترونية الإخوانية الإرهابية كعادتها بتنفخ في النار وأبواقهم الإعلامية سواء لوسي الشهيرة بمعتز مطر أو الطبال اللي اسمه محمد ناصر أو نعناعة الشهيرة بجو شو طالعين ياكلوا عيش ويبثوا سمومهم  كل همهم يخربوا البلد دي بأي شكل ويثيروا الفتن وكل ده عشان يحللوا الدولارات اللي بياخدوها عشان أسيادهم يرضوا عنهم، مش عشان خايفين علي ولادنا لا مؤاخذه، لأ عشان أهدافهم القذرة وهي تعطيل مسيرة هذا البلد بأي شكل".

استكمل: "المهم النهاردة كان اليوم الثاني من امتحانات الثانوية العامة وكان امتحان اللغة الأجنبية الأولي الإنجليزي والحقيقة المشهد اليوم بكل المحافظات كان مبهر من حيث نظام دخول الطلبة لمقار الامتحانات من خارج المدارس ووصولًا إلي لجنتهم بالداخل والمحافظين كانوا في جولات تفقدية للمدارس التي يعقد بها الامتحانات وكان في مقدمتهم اللواء محمود شعراوي وزير التنمية المحلية اللي كان في جولة تفقدية بصحبة محافظ القليوبية اللواء عبدالحميد الهجان لبعض مدارس المحافظة بشبرا الخيمة وده بهدف الوقوف علي عملية التنظيم وكله بالفيديو".