متهم في قضية طفل المرور: أمين الشرطة طلب رخص القيادة وأحمد كان خايف وشتمه وجرى بالعربية

قال مصطفى تامر عبد العال 17 سنة طالب بالصف الثالث الثانوى بمدرسة طلائع المستقبل للغات بالمعراج البساتين وصديق أحمد أبو المجد طفل المرور أنهلم يشتم أمين الشرطة المجنى عليه.

وتابع: أنه قام بتصوير الواقعة ولم ينشر أى فيديوهات عن الواقعة على الفيس بوك وروى المتهم فى التحقيقات أن يوم الواقعة كان متواجد مع صديقه رامز عصام فى أحدى محطات البنزين بطريق العين السخنة المعادى وكان متواجد معهما كل من يوسف ابو عوف وعمرو احمد واحمد ابو المجد وبعد تناول الطعام استقلينا السيارة المرسيدس السوداء مع أحمد أبو المجد وقاد أحمد العربية وشغل اغانى وانا فتحت الاستورى فيديو على موقع الانستجرام علشان اسجل لحظة خروجنا مع بعض واول ما خرجنا من البنزينة لقينا امين الشرطة وقف احمد بالعربية وكان ساعتها الفيديو اللى مشغله من على موبايلى مازال شغال ووجدنا أمين شرطة كان واقف فى الطريق طلب من أحمد التوقف واحمد رفض الوقوف وكمل قيادة العربية وأمين الشرطة خبط بيده على المرأه الشمال على باب السائق فاحمد وقف بالعربية بعديها بشوية والامين جه ناحيتنا واحنا راكبين العربية وطلب أمين الشرطة من احمد الرخص فاحمد فرد عليه أحمد أنه لا يحمل أى رخص وقعدنا نضحك بس محدش فينا اتكلم و احمد ابو المجد هو اللى اتكلم وفضل امين يسأله عن الرخص وبعدها قال لـ أحمد اركنلى على جنب فاحمد مرضاش بكده ومشى بالعربية فامين الشرطة رفع رجله اليمين وخبط بيها باب العربية اللى من ناحية السائق فاحمد بص له وهو سايق وشتمه بامه وبعدها على طول انا قفلت الفيديو وبعدها لقيت احمد حس بغلطه ولف ورجع راح لامين الشرطة تانى واعتذر له فامين الشرطة ضحك وراح بايسه وقعد يلومه وبعدين قالنا حصل خير وامشوا الموضوع خلص وبعدها احمد نزلنى انا ورامز عند البنزينة وقبل ما اسيب احمد بعتله الفيديو اللى صورته على تليفون احمد وقالى امسح الفيديو من عندى وانا مسحته ساعتها ومشى بالعربية وكان معاه ساعتها عمرو ويوسف وانا اخدت عربيتى ورحت على البيت وهو ده كل اللى حصل

وأضاف المتهم فى التحقيقات أن احمد أبو المجد كان خايف من امين الشرطة لعدم حمله رخصة قيادة لانه لم يكمل السن القانونى

وسأل أمين الشرطة أحمد كذا مرة عن الرخص واحمد يقوله مش معايا وبعد كده أمين الشرطة قرب من وشه ناحية احمد فاحمد قاله فين كمامتك فقاله مش معايا وأحمد قاله ابعد وشك عنى وابعد ايدك عن العربية وفضل بعدها أمين الشرطة يسأله على الرخص وبعدها قاله اركني على جنب واحنا محدش فينا اتكلم خالص وضحكنا لما أحمد قال لأمين الشرطة فين كمامتك وأحمد مسمعش كلام أمين الشرطة علشان يركن على جنب وداس بنزين بسرعة وجرى فراح امين الشرطة رفع رجله اليمين وخبط الباب واحمد شتمه وبعدها احمد واحنا رجعنا لأمين الشرطة واعتذر له

وتابع المتهم أن أحمد ابو المجد كلمنى يوم الخميس وقالى الفيديو بتاع امين الشرطة نزل على الفيس وهو فوجئ بيه فسألته مين اللى عمل كده فقالى واحد اسمه كريم اسماعيل منزل الفيديو على صفحته على الفيس بوك وبعدها أحمد بعتلى على الواتس اب شوت سكرين باسم حساب كريم فدخلت على صفحته لاقيت الفيديو وكلمت كريم وقولت له امسح الفيديو وعلشان كده احمد قالى بعدها كمان امسح الفيديو من على تليفونى وبعدين احمد ابوالمجد بعت لى رقم تليفون كريم اسماعيل اللى نشر الفيديو على الفيس بوك علشان اتواصل معاه ويمسح الفيديو .