أكبر قلم خدته من الفن والفنانين.. شريهان تحكي عن الحادث.. فيديو نادر

تداول عدد من رواد مواقع التواصل الاجتماعي، فيديو نادر للفنانة شريهان، وهي تحكي عن الحادث الأليم الذي مرت به حتى تماثلها للشفاء. 
 

وقالت شريهان في أحد اللقاءات التليفزيونية المسجلة، إن الحادثة كانت بعربيتها قائلة: "أنا سمعت ٧٠٠ قصه عن الحادثة وهيجي اليوم اللي هحكي فيه أصل القصة، وهي فعلا كانت صعبة جدا وبشعة العربية انقلبت أكثر من مرة وظهري انكسر والعمود الفقري والحوض انكسر وعصب رجلي الأيمن اتقطع العظم دخل في النخاع الشوكي  ".
 

وأضافت "الطبيت المعالج طلب مني اعمل عملية، وسافرت باريس ومضيت على إقرار للعملية ومكنش فيه أمل إني أقف، العملية خدت وقت ٩ ساعات وبعدها دخلت الإنعاش يومين ،  وقعدت ٦ شهور بالحزام،  وتعبت جدا جدا علشان أقدر أقف بس ومكنش فيه أمل إن أنا أقف ومش قادرة احكي عن العذاب والألم اللي انا مريت بيه  كنت مربوطه بالسرير وجسمي كله خراطيم ومينفعش اتكلم، وكان أكبر قلم خدته  من الفن والفنانين الذين لم أجد دعم منهم معنوي ولو بكلمة".
 

وتابعت " كنت عندي ارادة من ربنا اني اخف فكنت بقف واقعد و بنزل السلم واطلعه قبل ما الدكتور يقولي ، قعدت سنه كامله في السرير ، وبعدها بسنه اتكسرت تاني ورجعت باريس تاني عملت عملية وقعت سنه كمان في السرير  وبعدها ب ٣ سنين رجعت للجمهور ومكنش قادرة أوصف كم حب الناس من جميع أنحاء العالم

https://www.instagram.com/tv/CNsSmAShVnK/?igshid=rkbx7wg9ceqm