ينتقم منّي عشان حاجة معينة.. محمود كهربا يهاجم أحمد حسام ميدو

عبر اللاعب الدولي محمود عبد المنعم كهربا لاعب النادي الأهلي ومنتخب مصر، عن  رفضه لكل من يهاجمه في الوسط الرياضي، مؤكدا أن من بينهم اللاعب الدولي السابق أحمد حسام ميدوا نجم منتخب مصر السابق، ورضا عبد العال لاعب الزمالك والاهلي  السابق.

وأضاف كهربا، في حواره مع الإعلامية بسمة وهبة، مقدمة برنامج العراف، المذاع عبر شاشة المحور، مساء اليوم الثلاثاء، :"مش عايز اخسر الناس، ولو قابلني ميدو في أي مكان مش هسلم عليه، وماكنش يقدر يهاجمني لما كنت في الزمالك". 

وتابع :"مش محتاج لقطة ولسة سني صغير ومش من حق ميدو كل يوم يسخن عليا الناس، هو عايز ينتقم مني عشان حاجات تانية ومش عايز أتكلم عليها ومش شايفه، وانا عامل احترام للنادي الأهلي وماينفعش أرد على اللي بيهاجموني وهرد عليهم في الملعب".

وختم قائلا :"ماعرفش رضا عبد العال ومفيش بينه وبيني أي عداوة".