EN 
فجر والد الطفلة مارلي مرقس عادل مفاجأة بخصوص عدم قبول ابنته في احدى المدارس التابعة لإدارة روض الفرج التعليمية بسبب مظهرها خاصة شعرها .
وقال والد الطفلة رلي مرقس عادل انهم أصروا على قبول الملف بعد التصريحات التي اساءت للطفلة ، قائلا : “ أنا مسكتش انا رجعت مارلي البيت ورجعتلهم وفضلوا يعتذروا واصروا انهم يخلوا الفايل بس انا سحبته”.
وردت ساندرا عماد إحدى صديقاته على منشوره عبر صفحته على فيس بوك :" انا شعري كيرلي وكنت لسه طلعه من المدرسة بس عمري ما حد قال حاجه بالعكس ساعات لما بيكون في حفله تبع مدرسه يقولو اني شعري حلو جدا حضرتك رولز هي أن اي بنت شعرها طويل تلمه في المدرسة ممكن الكلام وصل لحضرتك بشكل غلط جدا انا خريجة من ٢٠١٩ يعني كانت نفس الإدارة بنفس راهبات ، لما بنروح بيستقبلونا كويس جدا".
وشكا مرقس عادل من عدم قبول ابنته في احدى المدارس التابعة لإدارة روض الفرج التعليمية بسبب مظهرها.
وقال مرقس عادل والد الطفلة مارلي مرقس عادل عبر الفيس بوك :" يؤسفني إني أقول إن نفسية بنتي (مارلي مرقس عادل) اتدمرت بسبب التنمر وإن المدارس بقي ليها شروط معينة فالطفل غير المتعارف عليها الطفلة مستواها كويس جدا في التقييم انجليزي وعربي ومهارات بس المشكلة في ( شعرها) أيوة زي ما قريتم كده "شعرها " ان شعرها كيرلي ومش ناعم".
وتابع قائلا :" الميس خرجت تقول ان الكومنت الوحيد علي البنت (شكلها مش حلو) بصيتلها بااستغراب وبصيت للبنت أتأكد من لبسها وشكلها قالتلي شعرها ومسكته بإيديها وهي مستاءة .. قلتلها شعرها طبيعته كده المهم مطولناش عشان الكلام كان قدام الطفلةبس طبعا الطفلة كانت سامعة ومركزة في كل ده ".
واضاف قائلا :"البنت رجعت مضايقة ونفسيتها وحشة جداا بأي منطق يتسببوا في أذي نفسية طفلة بالشكل المؤسف دهازاي يبقي تقييم الطفل يبقي من خلال شكله او شعره ازاي يتنمروا عالطفلة بالشكل دهازاي تتكلمي كده قدام الطفلة".
واختتم قائلا :" ياريت بجد كفاية ضغوط علي الأسرة والطفل في تقديمات المدارس احنا مش داخلين حرب".
من جانبه قال مصدر بمديرية التربية والتعليم بمحافظة القاهرة انه سيتم التحقيق في صحة الاستمارة المنشورة واذا ثبت صحتها سيتم اتخاذ إجراء قانوني ضد من قام بإجراء التقييم وإدارة المدرسة.
وأشار المصدر إلى أن إجراءات التقييم التي أقرتها الوزارة لا تعتمد على مظهر الطالب وانما قدراته التعليمية.
