نفسه يفرّح بلده..والدة عمر عصر: "ربنا يسهل أموره ويجعل كل صعب سهل"

كشفت  أمل محمدي والدة لاعب التنس  عمر عصر الذي حسم  مباراة الدور الـ16 من منافسات تنس الطاولة في دورة الألعاب الأولمبية في طوكيو 2020 لصالحه، إنها سعيدة للغاية بالنتيجة التي حققها نجلها عمر قائلة : " مهما قلت مش هعرف أوصف أنا كنت بدعي ربنا طول الوقت إنه يفرح لانه وعمره 15 سنة بيتمنى يجيب  ميدالية يفرّح بلده بيها  كان ده حلمه وربنا يحققله حلمه ".

وتابعت  في  مداخلة  هاتفية  خلال  برنامج " كلمة أخيرة  " الذي تقدمه الاعلامية لميس الحديدي على شاشة " ON" قائلة :" بقول يارب اكرمه  كمان وكمان  عشان يفرح مصر لان مصر بلد عظيمة وتستحق تفرح ".

وحول لقائه المزمع في الغد مع الصيني ما لونج في الدور ربع النهائي قالت : يارب يسهل أموره ويجعل كل صعب قدامه سهل  يارب  وكل حبايبنا  بيدعوله حتى المصريين اللي مش متابعين غير كرة القدم لما سمعوا عن عمر أو لاعب آخر في الالعاب الفردية دعولهم وفرحانين وبيتمنوا النجاح ليهم ".

كان   عمر عصر لاعب تنس الطاولة  حسم مباراة الدور الـ16 من منافسات تنس الطاولة في دورة الألعاب الأولمبية في طوكيو 2020 لصالحه. وتمكن عصر من عبور منافسه التايواني القوي يوان تشونج في مباراة الدور الـ16 ومن المقرر أن يواجه عصر العملاق الصيني ما لونج في الدور ربع النهائي والذي يعقد  غدًا في تمام الساعة الواحدة ظهرًا بتوقيت القاهرة.