EN 
ساد الحزن ترعه غنيم التابعه لمركز شربين بمحافظه الدقهلية، عقب وفاه ابنها محمد محمود احد شباب القريه وخيرة أبنائها على يد خارجين عن القانون.
"صدى البلد" التقت باسرة محمد حيث قال والده: "محمد راح مني بسبب البلطجة أنا بناشد الرئيس السيسي إنه زى ما بيحارب الارهاب في سيناء يحارب الارهاب اللي في شكل بلطجة ، اللي عمل رعب وخوف للناس اخذوا محمد غدر كانوا بيصفوا حسابهم مع صاحب كافتيريا عندنا رفض يشهد زور فقتلوا محمد وهو قاعد غدر، عايز حق ابنى، يا ريس احنا معاك في كل حاجه اقضى على البلطجة يا ريس وريح قلوبنا".
وقالت والدة محمد: "ابني كان طيب قوي وكان بيحب الخير لكل الناس وكان في الأعمال الخيريه مبيتاخرش حتى في أزمة كورونا كان بيجي لوحده فى الوحدة اللي بشتغل فيها واماكن تانية ويساعد الناس ويطهر الأماكن".
وأضافت: "ابني كان طيب قوي كل الناس كانت بتحبه لسه متخرج من كليه تجاره قسم انجليزي ما لحقتش افرح بيه خدوا منى الفرحه، حسبي الله ونعم الوكيل.. انا عايزه حقي محمد هاتوا اللي قتلوه و ريحوا قلبي وبردوا النار اللى جوايا".
وناشدت خاله الفقيد الرئيس السيسي قائله عارفين انك بتحارب الارهاب وبتقضي عليه يا ريس احنا معاك ووراك بس ارجوك لازم تحارب البلطجة اللي في كل مكان اللي تسببت في رعب وخوف من الناس الامنه احنا في حماك يا ريس بعد ربنا عايزه حق ابن اختي اللي هو ابني حبيبي اللي كان بيعمل كل حاجه حلوه في البلد مكنش متاخر على احد كان بيساعد الغلابه والمساكين هو لسه شاب صغير لسه مكمل 22 سنه من كام يوم حرمونا منه ربنا ينتقم منهم والبلطجيه اللي ما يعرفوش ربنا يا ريس القصاص القصاص لمحمد وكل واحد راح شاهد غدر البلطجه والخيانه يا ريس".
