EN 
قال الرئيس عبد الفتاح السيسي، إن القضية الحالية تكمن في عدم التوافق بين الموارد والدخل وعدد السكان، موضحا:" الموارد والدخل مش أد حجمنا وعددنا"..حتى مرتبات الناس ودخلهم لا يتناسب مع حياة كريمة لهم ولكن الدنيا ماشية".
واسترسل “الرئيس السيسي” خلال مداخلته الهاتفية ببرنامج “من مصر” المذاع على قناة “ٍي بي سي”:"إحنا بنبذل اقصى جهد لتحسين الاوضاع المعيشية..ولكن صدقني طول ما عدد السكان بيزيد بالشكل دا هتكون المشكلة وحلها صعب".
وأضاف:" إحنا بخير والأمور ماشية كويس.. وعندنا احتياطي مناسب يكفي لـ 3 أو 4 شهور على الأقل"، متابعا: مفيش عندنا نقص في إي سلع أساسية الحمدلله".
وأكمل:" لما جينا نعمل المشروعات القومية في ناس كتير قالت ليه بتعملها.. أهو دا الوقت اللي بنستفيد فيه من المشاريع القومية".
وأكمل: “هنعمل صوامع تاني وهنعمل إجراءات للتوسع في زراعة القمح، لتصل إلى 2 مليون فدان خلال العامين القادمين، وذلك لتقليل الاعتماد على الخارج”، متابعا:" نستهدف توفير السلع الأساسية وتحسين حياة المواطنين".
