EN
قال الإعلامي نشأت الديهي، إن رئيس الوزراء، وجه محافظ مطروح ومحافظ الإسكندرية بإيقاف خدمات الكهرباء والمياه عن 27 قرية سياحية في منطقة الساحل الشمالي، وذلك نظرا لامتناعها عن سداد مستحقات الدولة الخاصة بالمياه والكهرباء.
وأضاف "الديهي"، مقدم برنامج "بالورقة والقلم"، المذاع عبر فضائية "TeN: "إديني عقلك قرى سياحة كل واحد عنده شاليه ولا منتج مش عايز يدفع حق الدولة في المياه والكهرباء ده عيب وميصحش، اللي عنده ربنا يزيده ويروح يستمتع ويدفع، المياه والكهرباء بفلوس مش ببلاش، أنت دافع ملايين ومشغل ناس بملايين ومش عايز تدفع المياه والكهرباء عيب عليكم اختشوا بجد المفروض تقفوا بجانب الدولة".
وتابع، أن إدارة القرى السياحية يجب أن تتحرك تحرك سريع وعاجل، فالشركات التي تدير القرى هي المسئولة، لافتًا إلى أن من يمتلك وحدات في الساحل الشمالي "مبسوطين"، معقبًا: "هي بلطجة على الدولة يعني، اللي يزعل من الحق يخبط راسه في الحيطة ويشرب من البحر المالح، دي الكهرباء ثمن عشاء أو عزومة، مش عايزين نصل لدرجة نقول بتحقدوا علينا، مفيش حد في مصر فوق راسه ريشه"، مشيدًا إشادة كاملة وصادقة بهذا القرار الرائع لرئيس الوزراء.
