المغير لـ"معارضى الرئيس": "مرسي مكمل وقدامكم 6 أيام علشان تتوبوا ولا تتورطوا فى 30-6 "

توجه احمد المغير أحد قيادات شباب الإخوان برساله إلى معارضى الرئيس ومن سيشاركون في مظاهرات 30 يونيو القادم.
وقال المغير على صفحته على الفيسبوك "ادامك لسه ٦ ايام لو عاوز تتوب ، ايوه انت قرأتها صح "تتوب" لو انت كنت بتستنفع من النظام السابق او على وشك التورط في ٣٠-٦ بسبب الأوهام الخزعبلية اللي زرعوها في دماغك البائس".
وأضاف : اظن انت دلوقتي متأكد ان مرسي مكمل مش مكمل وبس وانما هيضرب من حديد كمان وبشكل مش ممكن حد كان يتخيله او يحلم بيه ، اخزي الشيطان واعقل لان الفلوس اللي بيدوهالك دلوقتي مش هتنفعك في السجن او وانت على حبل المشنقة ، انت عارف تعمل ايه عشان تعلن توبتك وتتواصل مع مين.
واختتم المغير رسالته قائلا : فكر كويس وقرر عشان العداد بيعد والباب لما هيتقفل مش هيفتح تاني بعد كده ابدا .