EN 
كشفت الفنانة اللبنانية نور، عن تفاصيل «لأول مرة» بشأن فيلم «من 30 سنة»، الذي عرض في عام 2016، قائلة: «كنت هغرق أثناء تصوير أحد المشاهد ضمن أحداث العمل.
وقالت «نور» خلال لقائها ببرنامج «نجوم اف ام»: «كنت هغرق في التصوير، كنت بنصور في إنجلترا، المشهد بتاع العربية حصلت لي حادثة غرق، أنا من وقتها بقا عندي عقدة وبقيت بخاف من حاجات مكنتش بخاف منها».
وأضافت: «كنت تحت المياه في مشهد العربية، الفنانة ميرفت أمين كانت قاعدة أدام، وشريف منير مفروض جاي يخبط على باب العربية، علشان يفتحها وينقذنا من الغرق، وكنا عاملين زي حمام سباحة كبير، وكان في هواء بيضخ في المياه فبتنزل المياه، وأنتي داخل المياه، أي حاجة عايزين يرفعوا المياه ويوطوها بيقولوا لنا وكان في غطاسين».
وتابعت: «معرفش حصل خطأ، المياه طلعت فجأة ومش لاقية ماسك التنفس، وببص مش لاقية ميرفت أمين، وبقيت بقول لا لا، أنا كنت بموت حرفيًا، ربنا أداني نص سنتي ميجيش مياه مناخيري، وقولت مش عايزة أموت وعايزة أشوف ولادي، ورميت نفسي والغطاسين شدوني من تحت العربية وطلعوني».
أبطال فيلم من ٣٠ سنة:
فيلم من ٣٠ سنه بطولة أحمد السقا ونور ومني زكي وشريف منير وغيرهم من النجوم.
