EN
تصدر اسم الشيف أسامة السيد مواقع التواصل الاجتماعي، بعد رحيله اليوم بعد صراع مع المرض أخفاه عن الجميع.
وفاة الشيف أسامة السيد
ونشر العديد تجاربهم الشخصية معه، أو متابعته باعتبار الشيف أسامة من أوائل الطهاة العرب على شاشات التليفزيون، ونشرت نيفين عباس كلمات نعت بها الشيف أسامة السيد.
وكتبت: “فخورة إني كنت في يوم من تلاميذك، عمري ما أنسى دعمك ووقوفك جنبي، مهما كانت عزيمتي تقل كنت بتقويني وتدعمني وتخليني أكمل، كتير وقفت جنبي وبسببك بعد ربنا وصلت لمستوي الاحتراف”.
وأضافت: "اتعلمت منك الاحترام وحب المهنة وتقديرها وتقدير كل حد بيتعب عشان يسعد الناس، رحلت بجسدك يا أستاذي لكن هتفضل روحك وفكرك وعلامك لينا باقي، مش ممكن هننساك لأنك دايما موجود بروحك معانا".
رثاء الشيف أسامة السيد
وتابعت: "برغم الحزن اللي هيسكن قلوب كل أسرتك، خصوصاً بنتك، لأن أنا عارفة قد إيه كنت بتحبها، وبالرغم من الحزن اللي سكن قلوب كل جمهورك وأحبابك وتلاميذك، لكن ما تغلاش على اللي خلقك،من كل قلبي بقولك هتوحشنا يا عميد المطبخ العربي، هيوحشنا تواضعك وخفة دمك وطلتك وتعليماتك وتوجيهاتك وكل حرف ومبدأ زرعته فينا عشان نكون أحسن، حضرتك كنت وهتفضل القدوة والمُعلم والأستاذ وصاحب الفضل في كل وقت، وبهدي لك كل نجاح حققته وهحققه لأنك هتكون صاحب الفضل فيه".
واختتمت كلماتها قائلة: “مهما أكتب لا يمكن الكلام هيوصف حجم الحزن اللي جوايا عليك، حسيت بكسرة أول ما صحيت على الخبر، بقيت مش مصدقة ونفسي حد يقولي ده كدب ومش حقيقي، عمري ما كنت أتخيل إن ييجي يوم أكتب عنك وانت مش موجود”.
