هعلمكم إزاي الاحترام.. رسالة دكتورة جامعية للطلاب تثير الجدل

تداول رواد السوشيال ميديا صورة يقال إنها من جروب إحدى دفعات كلية الآداب قسم اجتماع بإحدى الجامعات ، ولكن ما تحتويه الصورة جعلها تثير الجدل خلال الساعات الماضية ويتفاعل معها الكثير على مواقع التواصل الاجتماعى المختلفة.

صورة تثير الجدل 

انتشرت خلال الساعات الماضية صورة يقال انها كلام استاذة بكلية الآداب ، توجه فيها رسالة هامة لطلاب الدفعة بعد حصولها على الموافقة بخلع زوجها .

وجاء الكلام بحسب الصورة “ بناتى الف الف مبروك النهاردة اتحكملى وخلعت زوجى سابقا .. بالمناسبة السعيدة دى وقبل ما أرجع لوعيي تانى كل بنات الدفعة ناجحين ”. 

وتابعت "حلوا فى الامتحان وأى حاجة هتكتبوها هتاخدوا الـ full mark .. بالنسبة للولاد تخلصوا امتحان وتجهزوا نفسكوا كويس علشان الشفوي.. مستنياكوا فى المدرج والله لأعلمكم إزاى تحترموا المرأة من أول وجديد .

تفاعل رواد السوشيال ميديا 

تفاعل مع الصورة عدد كبير من رواد السوشيال  بشكل كوميدي و جاءت التعليقات “ Women for Women معروفة ”. 

وكتب آخر ، اومال عندنا كانت المهندسة كويسة مع الولاد بس ليه ". 

وعلق ثالث “ عاش بجد ست الستات ”.