EN 
علق الإعلامي عمرو أديب، على تألق النجم محمد صلاح مع الريدز بعد سباعية ليفربول التاريخية في شباك مانشستر يونايتد، قائلا: "محمد صلاح دخل التاريخ من أوسع أبوابه ولن يلحق به أحد".
وقال الإعلامي عمرو أديب، خلال تقديمه برنامج "الحكاية"، المُذاع عبر فضائية "إم بي سي مصر"،: "محمد صلاح بقى الهداف التاريخي لـ ليفربول.. وأنا فاكر "مو" أما طلع في أحد البرامج في أول موسم له مع ليفربول أما كان مسجل 30 هدف تقريبًا قال للمذيعة أنا عندي حلم أكون الهداف التاريخي للنادي".
وتابع: "محمد صلاح كان بيسعى للحلم وباقي على تحقيقه 100 جول.. إحنا عندنا في مصر اللي بيسجل هدفين بيكون عايز يجدد عقده"، لافتا: "محدش يقول محمد صلاح بياخد كام.. قول محمد صلاح لما بدأ كان بياخد كام.. صلاح فخر مصر والعرب".
واسترسل: "إحنا مش عاوزين حاجة من صلاح تاني.. الراجل ده خلاص عمل تاريخه لو قعد في بيته النهاردة يبقى اتعشت".
وأضاف: "هي دي الناس اللي بتشتغل وتتعب وتجتهد، يا جماعة شوفوا محمد صلاح أما يجيب جول بيعمل إيه.. صلاح سجل 129 هدف مع ليفربول".
