استدرجها من قنا إلى القاهرة.. طالبة تهرب من فضيحة الصور لعلاقة تنهي براءتها

أحال المحامي العام الأول لنيابة أكتوبر الكلية عاملا إلى محكمة الجنايات لاتهامه بهتك عرض طالبة بالثانوية العامة من محافظة قنا  لم تبلغ الـ 18 عاما مستغلاً صغر سنها وهواها وخشيتها من وليها واستمعت النيابة إلى شهادة المجني عليها

س/ ما تفصيلات اقوالك ؟ 

ج/ اللي حصل أن في رقم غريب بعتلي على الواتساب بيقول أنه عايز يتعرف عليا، فلما قلت له أني مبتعرفش على ولاد لقيته بعتلي صور خاصة بيا و هددني اني لو مكلمتوش هيقول لبابا أني بكلمه و أن أنا اللي بعت له صورى فأنا عرفت أنه أكيد هكر تليفوني و خد منه الصور لأني مببعتش صوري لحد، فأنا نزلت على حالة الواتس بتاعي أن لو حد يعرف هاكر يقولي عليه ، فلقيت واحدة معرفهاش وصلت لها سكرين شوت بالحالة

بتاعتي كلمتني و قالت لي أنها تعرف واحد هاكر و بعتتلي رقمه أنا اتصلت بيه و حكيت له الموضوع ده فهو قال لي أنه خلاص

هكر الموبايل بتاع الشخص اللي بيكلمني لكن بعدها لقيت نفس الشخص بيبعتلي من رقم تاني ويهددني بالصور بردو، فأنا قلت للهاكر  و قلت له أن خايفة لأن بابا صعب التعامل معاه و أنه ممكن يموتني، فعرض عليا أني أسيب البيت و أروح أقعد مع واحدة أخته قاعدة لوحدها فأنا وافقت بس قلت له أني مش معايا فلوس فبعتلي فلوس على فودافون كاش بعدها أنا سبت البيت و رکبت مواصلات و كل شوية كنت بخليه يكلم السواقين وهم ينزلوني أركب من ميكروباص لميكروباص لحد آخر مواصلة ونزلت في مكان معرفوش وهناك لقيته مستنيني وأخدني على الموتوسيكل بتاعه وراح بها لأوضة كدة في أرض فاضية ودخلني البيت لقيته فاضي ساعتها قلتله فين أختك قال لي أخته مش هنا دي في الفيوم ونام معايا غصب عني وبعدها جاب ورقة كدة قال لي اكتبي عليها اسمك عشان نبقى متجوزين فأنا قلت له أني مش عايزة أتجوزه لقيته بيزعق لي و يهددني فخفت وكتبت و بعد كده نام معايا تاني.

جاء بأمر الإحالة أن المتهم خطف الطفلة المجني عليها بالتحايل؛ بأن استدرجها تحايلاً موهما إياها بالإقامة لدى شقيقته  - مستغلاً صغر سنها وهواها وخشيتها من وليها - إذ أوعز لها بترك موطن إقامتها في محافظة قنا للحضور إلى غرفته في أرض فضاء بالواحات البحرية - مسرح جريمته - وأمدها بمصروفات ترحالها إليه ليسهل انتقالها، متمكنا بتلك الوسيلة من الاختلاء بها، لإنفاذ جريمته.