EN
روت الإعلامية رضوى الشربيني، يوم وفاة والدتها متأثرة وباكية، قائلة: “صحيت من النوم فى التوقيت اللي كان هناك بلاد قفلت فيه بسبب الجائحة، وانا كنت أول واحدة أصيبت بكورونا وماما أخدت العدوي مني، وعزلت نفسي والبيت كله طلع سلبي واتطمنت شوية، وسمعت بنتي الكبيرة بتكح، كلمت صحبتي أني لازم أطلعهم من البيت”.
وأضافت الإعلامية رضوي الشربيني، خلال حوارها ببرنامج “أنا والقناع” المذاع عبر فضائية “الحياة”، تقديم الإعلامية مني عبد الوهاب: “سمعت صوت ماما بتكح وكلمت حد من وزارة الصحة وجم وعملوا الإختبار وطلع البيت كله إيجابي، واليوم دا قررت أنه حتي التعب مينفعش أحس بيه، لأن مفيش حد يمرض كل دول”.
وتابعت الإعلامية رضوي الشربيني: “بعد 24 ساعة بنشوف الأكسجين بتاع ماما لقيناه قليل، وقلبت الدنيا عقبال ما لقيت لها مكان فى المستشفي وطلبنا الإسعاف ووديناها المستشفي أنا وأخويا، وعمري ما هنسي الكلمة اللي قالتهالي، قالتلي لو هتدخليني المستشفي أنا هموت هنا”.
