EN 
أثار التيك توكر الشهير جو موسى، والذي يتابعه ما يقرب من 9 ملايين شخص عبر تطبيق “تيك توك” وحده، حالة من الجدل خلال الساعات القليلة الماضية، مدعيا تعرضه على مدار 3 سنوات لأذى نفسي كبير بسبب الابتزاز من شبكة يقوم عليها مجموعة من البنات.
وقال جو موسى، في مقطع الفيديو الذي شاهده ملايين الأشخاص عبر تطبيقات التواصل الاجتماعي: "يا مساء الفل يا حبايبي، الفيديو دا ما فهوش حاجة كوميدي ولا هزار، وإنما حاجة شخصية متعلقة بيه، فانت لو مهتم كمله للآخر، ولو لا اقلب وهتلاقي حاجات أحلى".
جو موسى يثير جدلا
وأضاف التيك توكر الشهير ممسكا بيديه “كراسة رسم كبيرة”: “دي كراسة الأولاد، كل حد كتبلي كومنت كويس أو ساعدني في يوم كتبت اسمه هنا، لكن للأسف في الكراسة دي أسماء ناس كانت عاوزة تقضي عليه واتقال لي نصا: انت لازم تبطل سوشيال ميديا وهتقعد في البيت وهنكسر عينك”.
وتابع: “طبعا لأني عديت 10 آلاف فيديو فكل كلامي موجود على النت، فتقدر تجمع مني أصوات وتحطها في تطبيقات ذكاء اصطناعي AI تطلع منها اللي انت عاوزه"، عارضا مقطع فيديو لفنان شهير يغني أغنية لآخر باستخدام الذكاء الاصطناعي وحده.
أزمة جو موسى
وأكمل جو موسى: “فيه أكتر من شبكة اتفقوا عليه إنهم يدمروا حياتي، واتفقوا إنهم يشغلوا أطفال 11 و12 سنة علشان يأذوني، ويشتروا فلورز لصفحات علشان تتشاف أكتر، ويدفعوا لرجالة ترفع الفيديوهات بنفسهم، وعملولي فيديوهين وثلاثة غير أخلاقية مفبركة، ولأنهم استمروا على دا عملتهم محاضر رسمية بعد صبر كتير عليهم”.
وواصل جو موسى: "كفاية أذية 3 سنين، بيبتزوا راجل علشان علاقات محرمة، أنا مضايق لكل راجل عرف إن بنت أو ست من عيلته عملت كدا، دا كل ظابط يسمع قصتي يقولي: انت صبرت دا كله إزاي وليه، وأنا نفسي ساعات بلوم نفسي على سكوتي، لكن خليها قانوني علشان كله يرتاح، وهي بالفعل وصلت للنيابة، وختاما: هترفض علاقات محرمة قد تدفع ثمنها من سمعتك فبركة وأذية بالباطل، لكن خليك راجل وقول لأ، وامسك في ربنا".
