الرئيس السيسي للمواطنين: بنعمل من أجل بلدنا ولتوفير فرص عمل

قال الرئيس عبد الفتاح السيسي: “الناس فاكرة إن موضوع اليخوت ترف، وموجود فى البحر المتوسط تقريبا 500 ألف يخت، حصتنا فيهم مش عايز أقول مفيش ، وهناك دول أخري تاخد 30% من الكلام ده ودا حقها.. اللي يشتغل ياخد.. واللي مشتغلش وينام خليه نايم بقا”.

وأضاف الرئيس السيسي، خلال إفتتاحه محطة تحيا مصر متعددة الاغراض: “كان من قبل مدة حصول اليخت على ترخيص دخول فى مصر من 28 إلى 30 يوم.. و اخر مرة قالولي وزارة الاتصالات بتاخد مش عارف أد إيه.. قولتلهم لا لا 30 دقيقة زي العالم ما بيشتغل.. علشان ايه انتوا بتتكلموا على تشغيل ناس.. طب هتشغلهم ازاى اما مكنش يبقي عندك 20 أو 30 مارينا مضوبطين زي أفضل أنساق ومستويات المراين فى العالم.. وتعطيله نفس الإشتراطات اللي بيشوفها فى أى دولة تانية”.

وتابع الرئيس السيسي: “تشغل ناس فى الموضوع ازاى وتدرب وتعلم ناس مكنتش عندها الخبرة فى الموضوع دا.. وفى العريش فى الميناء القديم علشان أعمل دا كله وألاقي فيه ظهير ناس موجودة نعوضها.. واحنا مش بنعمل دا ضدكم.. انا بنعمل دا لجل بلدنا ولجلكوا علشان تلاقوا شغل ليكوا ولأولادكم ومستقبل يليق بالعريش وكل سيناء”.