هجوم ناري من محمود حسني بطل مصر وأفريقيا في الأثقال لوزارة الرياضة والاتحاد

هاجم محمود حسني بطل مصر وأفريقيا في الاثقال، وزارة الشباب والرياضة واتحاد رفع الأثقال بسبب ضعف مكافئات فوزه بميداليات بطولة إفريقيا.

وقال حسني: “من كام يوم كده نزلت مكافئات بطولة أفريقيا ودي أنا حققت فيها ميدالية ذهب وميداليتين فضه والاتحاد قال لي إن المكافأة 4500 وانا طبعا مرضيتش استلم الشيك!! وبرضو في شهر 9 اللي فات كانت بطولة العالم الكبار اللي حققت فيها برونزية الكلين والنطر وأكون أصغر عربي وإفريقي يحقق ميدالية في بطولات العالم للكبار وبرضو اخدت المكافأة علي المجموع وانا جبت رابع مجموع وساعتها أتكلمت كتير مع وزارة الشباب والرياضة إنهم يدوني حقي والمكافأة تكون علي الميدالية اللي حققتها لكن للأسف مفيش استجابة. احنا بنتمرن ونتعب وننجح علشان نلاقي مقابل، لكن علشان نتعب بدون مقابل ده يبقي اسمه عقاب، وعلشان ننجح في بطولة قاريه والمقابل 4500 جنيه (يعادل اقل من 100 دولار) ده يبقي اسمه استهانه بمجهودي وبقيمة علم مصر. ياريت حد من المسئولين يقولى رأيه ايه، فى أمل ولا نشوف مستقبلنا فى حاجة تانية؟؟؟؟؟".