قصيد ةاليوم : " نفسي أرجع أعيش في زمن الطربوش" للشاعر أحمد صبري

ننشر قصيد اليوم " نفسي أرجع أعيش في زمن الطربوش" للشاعر أحمد صبري
نفسي ارجع اعيش في زمن الطربوش
أعيش مع وشوش غير الوشوش
اصل بقينا في زمن كله حلّق حوش
زمن شعارات بتبيع الفنكوش
وكله بيطلع وينزل علي فاشوش
زمن الالف مفيهاش بركه , تحس انها قروش
مواطن غلبان مش عارف يعيش بالكام ملطوش
مصر ام الدنيا وحتبقي قد الدنيا..... ياريت نفسنا نشوف
ثورة وللا انقلاب...مدنية وللا عسكرية,ياعالم فوقوا بلدنا رايحة علي خازوق منقوش
حتقوللي ليه زمن الطربوش؟
اصل العيله كانت بتتجمع والبسمة ع الوشوش
كانت حياه سهلة وجميلة من غير رتوش
دلوقتي بقينا في زمن "احبّوش"
وشعب فاهم ان الحرية انك تربّي ضوافرك وتدّي اللي جنبك خربوش
حتي الصيف دخل في الشتا , وشمس غايبه والتلج في الشوارع مفروش