"الناظر" يقدم نصائح لمعالجة حروق الجلد من السوائل المغلية

قدم الدكتور هانى الناظر، أستاذ الأمراض الجلدية ورئيس المركز القومى للبحوث السابق، مجموعة من النصائح لمن يتعرضون لحروق فى الجلد إثر وقوع ماء مغلى أو اى سوائل أخرى مثل اللبن أو الشاى، مؤكدا أنه لابد من وضع المكان المصاب بأقصى سرعة تحت ماء الحنفية العادى لمدة 15 دقيقة.
وقال "الناظر" فى تدوينة له على "فيس بوك": "من أشهر المشاكل اللي بتحصل للأطفال في المنازل واحيانا الكبار ايضا هي انه يقع علي جسمهم ماء مغلي او اي سوائل أخري مغلية زى اللبن او الشاي او غيرهم وده بيسبب طبعا حروق في الجلد".
وتابع : "طيب إيه الخطوات اللي لازم نعملها بسرعة في البيت لغاية ما نروح للطبيب اذا احتاج الامر في الحالات دي ؟ علي طول نضع المكان المصاب بسرعة تحت تيار قوي ومستمر من ماء الحنفية العادي لمدة حوالي من ١٠الي ١٥ دقيقة وممنوع نحط تلج او اي حاجة تانية خالص علي المكان المصاب واذا تكونت فقاعات مائية ممنوع إن احنا نفتحها".
واضاف : "بعد كدة نجيب اي كريم مضاد حيوي ومعاه چيل نبات الصبار او كريم حروق وأشهرهم حاليا هو كريم "ميبو" او "درمازين "وندهن بيهم بالراحة المكان المصاب ونغطيه بشاش خفيف ونغير بعد ١٢ ساعة وضروري نعطي المصاب في ساعتها اي مسكن للألم زي الباراسيتامول شرب في حالة إصابة الاطفال أو البنادول قرصين أو أي مسكن موجود في البيت في حالة الكبار وممكن نكرر المسكن بعد ٨ساعات اذا لزم الأمر".