مها بهنسى تحذر من "مطب الموت" بعد وفاة عمها

طالبت الإعلامية مها بهنسي الجهات المسؤولة عما وصفته بــ" مطب الموت" باتخاذ الاجراءات اللازمة بعدما شهدت وصلة "حازم حسن" المؤدية للطريق الصحراوي عددا من الحوادث ومنها وفاة عمها "خالد بهنسي" يوم الجمعة الماضى.
وكتبت بهنسي، عبر صفحتها الرسمية علي موقع التواصل الاجتماعي "فيس بوك": "إلى هيئة الطرق والكباري دي مطبات وصلة حازم حسن واللي عمي توفي في الحال نتيجة إن المطبات دي مش بتتشاف بالليل وكان بالموتسيكل بتاعه ما أدى لارتطام رأسه في السيارة اللي أمامه".
وأضافت بهنسي "السؤال: إيه أهمية المطبات دي في هذا الطريق؟...هل تصميم المطبات بهذا الشكل صحيح هندسيا؟...ولو ليهم فائدة وتصميمهم صحيح ليه مفيش إضاءة ليلا ؟!".
وتابعت " تاني بكرر عمي الله يرحمه مش أول ضحية ولا آخر ضحية طول ما مطبات الموت دي موجودة بالشكل ده .. الحوادث متكررة في المطبات دي سيارات وموتوسيكلات (معلومة مش استنتاج)".
واختتمت بهنسي "ربنا يسلم طريق الجميع.. اللهم بلغت اللهم فاشهد".