بالفيديو.. خيري رمضان لـ"السيسي": «ماتخافش يا ريس إحنا معاك»

علق الإعلامي خيري رمضان على حديث الرئيس عبد الفتاح السيسي ومداعبته للواء كامل الوزيري عندما علق على لون السجاد المفروش في الأرض وتغيير لونه إلى الأزرق.
وقال رمضان في برنامج «ممكن» المذاع على قناة «سي بي سي»: «يا ريس لما بتبقى رايق بطمن الناس، إحنا عارفين مدى الضغوط والهموم اللى حضرتك متحملها، لكن الناس بتقلق وضحكتك بطمنهم».
وأضاف رمضان:«افتكر يا ريس لما قلت انتوا مش عارفين ان انتوا نور عنينا ولا إيه، خطاباتك وقتها لمست الناس، والناس كانت مطمنه بسبب كلامك الواثق الهادئ، وابتسامة الرئيس بتمنح الناس رسالة طمأنة».
وقال رمضان، «ضحكتك يا ريس حلوه، اضحك يا ريس، وهقولك زي المواطن اللى قالك في الأتوبيس ماتخافش يا ريس إحنا معاك، وأنا سامعك دلوقتي بتقولي أنا مابخافش».