مدرب منتخب مصر يوجه رسالة مؤثرة للجهاز الفني واللاعبين

وجه محمود فايز المدرب المساعد في الجهاز الفني لمنتخب مصر رسالة مؤثرة إلى باقي أعضاء الجهاز الفني ولاعبي المنتخب عقب الفوز على غانا وتصدر المجموعة في تصفيات كأس العالم.

وكتب فايز عبر حسابه على فيسبوك قائلا :"أول مرة أحس الإحساس ده في مكان شغال فيه... علاقة حب بينا كجهاز فني و لاعبين... حاسين أنهم أولادنا... مش بس لاعبين... منستحملش حد ييجي عليهم أو يؤذيهم"

وأضاف "نحب نشكرهم علي تحملهم لينا و اجتماعتنا ومحاضرتنا و الضغوطات كلها.. داخلين ماتش غانا و إحنا شايلين على كتفنا حمل فشل الوصول لكاس العالم من عام ٩٠ .. شايلين حمل إسعاد ٩٠ مليون .. شايلين حمل ضغوطات ماتش السته الشهير .. شايلين حمل الحالة الاقتصادية السيئة و دورنا لإسعاد الشعب المصري .. شايلين حمل إسعاد الجماهير اللي زحفت على الاستاد علشان مترجعش زعلانه"

واختتم رسالته قائلا: "ألف شكر يا رجالة... ٩٠ دقيقه مباراة تكتيكية صعبة... رغم الأداء اللي انتقده البعض بس كنتوا أبطال بجد... والجاي أفضل... بنشكر تواضعكوا و تفانيكوا و حبكوا لبعض و تضحيتكم و احترامكم وحبكم لبلدكم".