هشام النعال يكتب: دارك ما عادت تستر عارك

قالولى دارك ما بقتش دارك
ولا عادت تستر عارك
دارك بقت مداس للانجاس
شوفلك دار تانية يا استاذ
لكن اوعى يكون جدارها اذاذ
كاشف للبطون والبذاذ
بقالك كام سنة بتدارى فيهم
قافل الشبابيك والبيبان عليهم
وحاطط فيهم ميت ترباس
رابط على الباب وترحساس
ومع كل حرصك انك تكون مستور
جه عليك الدور
وهتك عرضك الانجاس
لم كراريسك يا استاذ
الجرس ضرب
والعيال ما هماش بتاع علام
ما يغركش ان فى ايديهم الاعلام
العيال استاذة فى الكلام
خفافيش فى الظلام
لم دورك
لم كراريسك
قوم ونام
واول ما تسمع الادان
ارحل بسلام
شوفلك دار ولو غار
محفورة فى جبل مش هينهار
جبل تلاميذة شطار
تلاميذ غاوية علام
ما تعرف تنام
الا على صوت العمار
صحارينا مليانا ابار
بترول وغاز وجاز
خد تلاميذك يا استاذ
وابنى هناك مليون دار
وازرع فى كل حتة رادار
يعطى اشارة
ان قرب واحد من الانجاس
تعمل غارة وسط الناس
امسك خاين
شره باين
جاى يدنس فى الاعراض
جاى يفتش فى الاغراض
جاى يصيبنا جميعا بالامرض