EN 
قال صلاح والد الشهيد النقيب عمرو صلاح، ضابط القوات الخاصة ضحية حادث طريق الواحات «إن عمرو مصري ابن مصري، وهو مش أحسن من اللي استشهدوا قبل كدة، وهو راجل بمعنى الكلمة».
وأضاف والد الشهيد، في مداخلته الهاتفية مع الإعلامية إيمان الحصري ببرنامج «مساء DMC» على قناة «DMC»: «إمبارح وإحنا بندفنه مكناش عارفين ندخل المكان اللي فيه المقابر من كتر الناس اللي جت عشانه وكان فيه أكتر من 2000 واحد».
وتابع: «ابني وهو طالع المأمورية كان بيبقى طالع مبسوط ومكنش بيرضى يقول هو رايح فين، بس لازم يبقى في تخطيط قبل كل عملية عشان نقدر نواجه الإرهابيين، وأنا مستعد أدخل في القطاع بتاعه قطاع العمليات الخاصة عشان أكون جندي مقاتل فيه».
