EN
علق الإعلامي عمرو أديب، منفعلا على هزيمة الزمالك اليوم، والخروج من بطولة الكونفدرالية، قائلا: "في حاجة غلط في نادي الزمالك ولازم تتصلح، اللي بيجرى في الزمالك ده تاريخي، لأن هزائم الزمالك تاريخية، وسيذكر التاريخ بأحرف من ظلمة ما يحدث الآن في الزمالك".
وأضاف أديب، في برنامجه «كل يوم» المذاع على فضائية «on e» قائلا: "مدرب وغيرنا، جمهور ومنعنا، ورغم ذلك الزمالك ينهزم، وينهزم، في بطولة من أضعف ما يمكن"، مستدركا: "إيه اللي بيجرى ده وإزاي ده بيحصل؟!"
وأوضح أن قرار استقالة المستشار مرتضى منصور، "محترم"، ولا يجب أن يتراجع عنه تماما، قائلا: "حتى لو راحوا هتفوله قدام باب النادي، وبناشده بعدم التراجع عن استقاله، وكفاية كده لأنه عمل كتير أوي، وكفاية اللي عمله لحد كده".
وتابع : "اللي بيحصل للزمالك لا يحدث لأي نادي على وجه الأرض، مفيش نادي بالتاريخ ده يخيب الخيبة دي"، مستدركا: "بقول لجمهور الزمالك أنت تستحق أفضل من كده".
