EN 
لقى مهندس شاب مصرعه فى حادث تصادم بطريق دمياط – بلطيم بعد ساعات من خطوبته اثناء عودته الى منزله وكانت الاجهزة الامنية بدمياط تلقت بلاغا بوقوع حادث تصادم بين سيارتين وتوفى اثر ذلك خالد خيرى مهندس نتيجة تأثره بالاصابة وتبين ان المتوفى كان عائدا من خطوبته من مدينة دمياط الى كفر الشيخ.
وقالت خطيبته روان عبر صفحتها على موقع التواصل الاجتماعى فيسبوك عقب وفاته : اتصورنا ومشيت وسيبتني يا خالد كنا متفقين هتختار صورة حلوة سوا نحطها بعد خطوبتنا يا عُمري مالحقتش أبعتلك صور الخطوبة كنا مستنيين اليوم ده من زمان يا عُمري.
رَبّـنا يرحمك ويغفرلك ويدخلك الجنة بغير حساب ولا سابقة عذاب والله ما شوفت منك إلا كل خير، نعم الأخ والصاحب والحبيب انا عروستك يا حبيبي.
الصبر من عندك يارب إنَّا لله وإنا إليه راجعون ونشرت صورة اخرى وقالت : حبيبي والله راح وسابني .. ادعوله والله كان راجل وجدع ومحترم.
بينما كتب باسل شقيق خطيبته عبر صفحته : فاكر اول مرة دخلت تكلمني عشان تتقدم لروان أختي و فاكر لما بقينا صحاب و قولتلك انا هكون مطمن عليها و هي معاك و فاكر لما دخلت بيتنا و بقيت فرد من العيلة و ان دخلتك للبيت كانت بتملاه كله فرح و بهجة من كبيرنا لصغيرنا كله كان بيبقا فرحان بوجودك و فاكر وقت الخطوبة لما وطيت عليا و قولتلي انت قلقان ليه انا مش عاوز اشوفك قلقان ، انت كنت هبة من ربنا و ربنا رحمك من الدنيا دي و خدك لمكان يليق بيك و بأخلاقك ربنا يصبرنا على فراقك يا صديقي الصدوق.
