أحمد السودة صاحب السيارة المعدلة: الموناليزا معروفة على مستوى العالم

ظل حلم تصميم سيارته يراوده منذ الصغر حتى استطاع تحقيق حلمه، ويثبت أن العقول المصرية تستطيع المنافسة فى مجال تصميم السيارات، حصل على جائزة صاحب أحسن تعديل سيارة كوبيه على مستوى الجمهورية و6 جوائز أخرى وحاليا دخلت المنافسة على لقب أفضل سيارة معدلة فى العالم.

أحمد السودة، ابن الدقهلية حول حلمه إلى حقيقة على أرض الواقع  طوال خمس سنوات هى عمر مراحل تصميم سيارته فى مدينة المنصورة والتى لم تختلف كثيرا عن تصميمات السيارات العالمية مثل فيرارى ولامبورجينى وغيرها.

قال أحمد: "سيارتي مشهوره بالموناليزا والحمدلله ناس كتير علي مستوي العالم منهم مصريون ومنهم عرب كلموني وشكروني على اللي عملته في السيارة من تعديلات، ودلوقتي بجهز تعديل تاني خالص يوصلني للعالمية إن شاء الله، كل ده مش عشان نفسي عشان أرفع اسم مصر والدليل علي كلامي إن كل ايفنت بكسبه مش بدخل باسمي لكن بدخل باسم بلدي مصر.

وأضاف أنه يوجه رسالة لكل شاب مصرى "غاوى" تعديل أو روشنة السيارات قائلا: "أولا عدل سيارتك عشان تبقي عملت حاجة عالأقل لبلدك ترفع بيها اسم مصر لأن الصور دي الكل بيشوفها وحتي تبقي عملت حاجة لبلدك فى حاجة أنت بتحبها".

وأشار أحمد إلى أنه مغرم بالغناء أيضا بجانب روشنة السيارات، وأصدر منذ أيام أغنية بمناسبة عيد الأم اسمها ضميني ضمه حيث حصلت على 300 ألف مشاهدة فى 24 ساعة.. وقدمت ٨ ابتهالات دينية أخرى".