EN 
نشرت "ميس حمدان" عبر صفحتها الرسمية عبر موقع التواصل الإجتماعى "إنستجرام" عدة صور من أحدث جلسة تصوير لها ، وكتبت رسالة طويلة لجمهورها، وضحت فيها قيمة الحب.
قالت: "الحب احلى حاجه اتخلقت فعليا في الوجود بكل أشكاله.. ولو حتكلم عن الحب بين الراجل والست ف بالنسبة ليه الحب ده بالذات بينعش فؤادي و بيخليني إنسانة محبه للحياة و عايزة اكون أحسن و حاجات تانيه كتير و الحمد لله عشته اكتر من مره بكل تفاصيله الحلوه و المره و ووجعه المؤلم ورغم كل ده لسه بدور عليه بشغف ورافضة اتجوز من غير حب رغم كل محاولات إقناع الناس اللي حواليه إن خلاص مفيش حاجه اسمها حب لكن انا مصممه إني مش حتنيل اتجوز غير عن حب حتى لو حيروح بعدها بيوم بس هو ده تفكيري دلوقتي جايز يتغير بعدين و انا ماشيه عل العكاز مثلا هههه معرفش ....الدنيا مش مستاهله فاستغلو الحب وسخروه ليكو و استمتعوا بيه قد ما تقدرو ..حبو و تحبو لان الحب بيهون كل شىء مهما كان صعب الحب بيدي طاقه ايجابيه تخليك طاير فوق الريح من الاخر كده الحب حيفضل طول عمره مرمغه مش مفهمومه".
وجاء تفاعل المتابعين لها وتعليقاتهم على رسالتها كالتالى:
-"ميس حمدان الرقم الصعب في عالم الجمال والتقليد" ، وعلق أخر "كلامك جميل أوي" ، وأضافت أخرى "الله عليك يامبدعة".
وتفاعلت معها متابعة قائلة "معاكي جدا.. طول عمري بقول الحياه من غير حب قرف ومش تتعاش أبدا حتى لو مش الحب اللي بين الراجل والست يكفي الحب بيننا وبين أهلنا".
يذكر أن فيلم "سمكة وصنارة" أحدث أعمال ميس حمدان، وتدور أحداثه في جو من المغامرة والكوميديا حول محمد حمص ومصطفى بنداري، وهما نصابان يقومان بعمليات نصب صغيرة على الناس في الشوارع حتى تأتي في طريقهما عملية نصب كبيرة، ويبدأ كلاهما في التخطيط والتجهيز لتنفيذ العملية مع بعضهما فتقع لهما أحداثا لم تكن في الحسبان.
