جمال شعبان لـ مجدى يعقوب: الاسطورة الحقيقي

نشر الدكتور جمال شعبان استشارى أمراض القلب وعميد المعهد القومي للقلب سابقا، صورة للدكتور مجدى يعقوب اثناء وقوعه ارضا فى دبى عبر حسابه الشخصى بموقع التواصل الاجتماعي الفيس بوك . 

وعلق الدكتور جمال شعبان على صورة مجدي يعقوب قائلا :  العملاق دا اللي اتكعبل امبارح ووقع وهو علي المنصة ،مش هاقول لكم وقعته ع المنصة دي وجعتني في قلبي قد ايه ، ودمعت عيني علشانه ، لكنه الحمد لله قام ووقف ثانيةً في شموخ الهرم

متابعا:  العملاق دا الي بيلف العالم علشان يجمع تبرعات لمركز القلب الجديد بجانب الأهرامات الذي يعالج فيه مزيد من قلوب البسطاء من أهلي وأهلك وأهالينا كلنا ، العملاق دا في المرحلة العمرية دي فوق الثمانين كان يقدر يعيش زي الأمراء علي جزيرة من جزر المالديف لكنه نذر باقي عمره للغلابة

العملاق دا بيعمل كل دا علشانك يا مصر

العملاق دا اللي بقي له نصف قرن بيخدم الإنسانية

العملاق دا هو الأسطورة ونمبر وان الحقيقي

العملاق دا يستحق التحية ودعواتنا له بالصحة وطول العمر