EN 
نعى الإعلامي نشأت الديهي، الشهيد الطبيب الدكتور أحمد اللواح، ضحية الإصابة بفيروس كورونا، معقبا "شهيد من شهداء الوطن".
وأوضح "الديهي"، مقدم برنامج "بالورقة والقلم"، المذاع عبر فضائية "TeN"، اليوم الاثنين، أن الدكتور أحمد اللواح قبل وفاته نشر عبر صفحته رسالة بآخر روشتة له تضمنت نصيحة للمواطنين، قال فيها "ليه خليك في البيت.. وايه اللي هيحصل لما نقعد في البيت أسبوعين.. الناس تتساءل: يعنى بعد الأسبوعين دول هيحصل إيه.. ما احنا هنرجع تانى لحياتنا والفيروس هينتشر تانى".
وأضاف "خد بالك معايا: الناس دلوقتي 4 أنواع، ناس لم يصلها الفيروس ودا هيستفيد إنه مش هيجيله العدوى، ناس حاملة الفيروس من غير اى أعراض، فدول قعدتهم في البيت مش هيعدوا حد، ومع الوقت الأجسام المناعية هتقضى على الفيروس اللى في جسمها، ناس حاملة للفيروس وعندها أعراض خفيفة، ودول قعدتهم في البيت هتخليهم مش هيعدوا حد ومناعة الجسم مع الوقت هتقتل الفيروس في جسمهم برضو".
وتابع الدكتور الراحل في رسالته "وبعد الأسبوعين هيكون اتخلص من الفيروس واكتسب مناعة طبيعية كمان، ناس حاملة للفيروس وعندها اعراض شديدة ودول محتاجين يروحوا المستشفي ويتعالجوا فيها، أهم شيء هام جدا جدا.. الفيروسات اللى انتشرت على الأسطح والأرض وحتى لو في الهواء هتموت بعد أسبوعين لو مالقتش جسم انسان تتكاثر فيه.. المهم المهم المهم خلال الأسبوعين دول لو التزمنا ممكن الفيروس يموت في الخارج لو مالقاش جسد يدخله، ويموت في داخل اجسامنا كمان.. الفيروس محتاج جسد بنى ادم علشان يتكاثر ولو مالقاش بيموت وهى دى الفكرة من القعاد في البيت".
واستنكر محاولة البعض استغلال هذا الظرف الصعب بنوع من اللامبالة المقيتة واللامسئولية البغيضة.
