الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

نجل ماما سناء: لم أصب بفيروس كورونا.. وهذه حقيقة تصوير فيديوهاتي وقت الحظر

صدى البلد

نفى شادى نجل اليوتيوبر ماما سناء اصابته ب فيروس كورونا ونشر شقيقة محمد شاكر فيديو على موقع التواصل الاجتماعى " فيسبوك " يوضح حقيقة تصوير الفيديوهات التى ظهرت فيها والدته قبل وفاتها، والتى قيل عنها أنها سجلت أثناء فترة الحجر الصحى والعزل فى المنزل، والتى تعرض لهجوم شديد بسببها.

وقال شاكر فى الفيديو: "كنت رايح أنا وشادى دمنهور فى المعهد عنده علشان يطلع شهادة قيد عائلى من الكلية، وجالى تليفون من النيابة العامة من كفر الدوار، إنى لازم أحضر أنا واخويا شادى ومراتى، علشان عاوزين أقوالنا فى قضية الدكاترة، فروحنا ووقفوا معانا ووكيل النيابة مشكورا عمل معانا فوق اللازم، واخد أقوالنا وحكينا بالتفصيل ومضينا على أقوالنا".

وتابع: " شادى نجل"ماما سناء"،: "نتمنى أن اللى حصل ده مايحصلش مع حد تانى، واحنا قاعدين وجاء وكيل وزارة الصحة، وبلغنا إن المسحة اللى عملوهالى طلعت إيجابى، وحمو وياسمين سلبى، وأن أنا عندي الفيروس، وفرولى عربية اسعاف على اساس أن أنا عندي المرض وهتحجز، وأنا عامل تحليلين قبل كده، والتحاليل مافيهاش أى حاجة.. فقولت الحمد لله على قضاء الله، وركبت عربية الإسعاف ورحت المستشفى.. انا ماعنديش أعراض ومش حاسس بحاجة حتى لما دخلت المستشفى ماكنوش مصدقين أنى عيان.. ووقفوا معايا كويس.. ومدير المستشفى كلمنى ووفرلى غرفة كويسة".

وأضاف "انا ماعنديش حاجة ونفوا الخبر ، انا أول مادخلت المستشفى الخبر نزل ع النت.. وأول ما طلعت نزلوا تكذيب وأن شادى مافيهوش حاجة.. فأنا بقول أن احنا كويسين ومافيش أى حاجة وعملت اشاعة مقطعية على صدرى وطلع مافيش أى حاجة... وماما سناء مامتش بالفيروس .. ماتت بضيق تنفس فى الصدر.. واحنا راضيين بأى حاجة ربنا كاتبهالنا .. وده اخر فيديو هنتكلم فيديو بنتكلم فيه عن حق ماما سناء .. والنيابة هتجيب حقنا".
اقرا ايضا : 




 

و " اشار " محمد شاكر، "احنا كنا بنعمل كل حاجة علشانكوا .. وانتوا وقفتوا قصادنا.. وناس كتير دخلت تهاجمنى علشان فى اعلان على فيديو.. انا يا جماعة فى واحد ماسكلى شغل السوشيال ميديا كله.. انا بنزل الفيديو وبسيبه .. هو اللى مسئول عن كل حاجة .. ناس بتقولى انت بتودى أمك للجيم .. الجيم ده قبل الحجر الصحى والكورونا وقبل كل ده .. والفيديو قديم من 4 شهور ماكنش فى كورونا".

واختتم شادى ( مش هنفتح القصة ديه تانى .. مش خوفا من حد .. بس لأن ماما فى مكان أحسن .. ومش عاوزين حد يتكلم عليها كلمة مالهاش لازمة .. وحسبى الله ونعم الوكيل على كل ظالم .. احنا راضيين بكل اللى معانا ).



اخر فيديو هنتكلم فيه عن #حق_ماما_سناء

تم النشر بواسطة ‏ماما سناء‏ في الاثنين، ٢٢ يونيو ٢٠٢٠