بصور نادرة.. ليلى علوي تستعيد ذكرياتها مع فريد شوقي احتفالا بمئويته

حرصت الفنانة ليلي علوي على إستعادة ذكرياتها مع ملك الترسو الفنان فريد شوقي ونشرت عبر حسابها على إنستجرام صور نادرة معه إحتفالا بمئويته.

وكتبت:"كان لي الشرف إني وقفت أمام عملاق من عمالقة الفن والإنسانية فريد شوقي في عدة أعمال .. وكانت أول بطولة تكون قدام ملك الترسو شخصيًا. لما بافتكر دلوقتي كواليس ترشيحي ومشاركتي في بطولة فيلم " البؤساء" مع العملاقين يوسف وهبي وفريد شوقي باحمد ربنا اني كنت الى حد كبير محظوظة إني أقف قدام مدرستين زي دول في أول مشواري .

وتابعت:" وتوالت الأفلام ومنها العمل الأشهر خرج ولم يعد وأيام التحدي واه يا بلد اه. وفي حضرة فريد شوقي اتعلمت يعني إيه نجم وإزاي النجم لازم يبقى إنسان أولا .

وأختتمت:" فريد شوقي كان ملك في حضوره وأخلاقه واهتمامه بشغله وموهبته وحبه للي حواليه وللفن اللي إداله حياته كلها وإحنا بنحتفل بمئوية الملك عايزة ادعيله بالرحمة والمغفرة وأقول إنه الفنان الحقيقي مابيموتش .. ومابيتنسيش