الأسد بطاطس والحوت بنجر .. الأبراج لو خضراوات هتكون إيه ..شاهد

وقالت «دينا» عبر صفحتها الرسمية بموقع «فيسبوك» إن برج الحوت يشبه الفلفل الأحمر، فهو يحلى الأكل وبيخلى طعمه مميز ومختلف، غير أنه مفيد جدًا، لكن لو كترت منه هتزعل.

وأوضحت الكاتبة في علم الأبراج أن برج الثور يشبه الخس، فأحلى ما فيه قلبه الأبيض، لكن لن توصل له إلا إذا بذلت مجهود كبير وعديت كل الأغلفة اللى مستخبى جواها.

وتابعت أن برج الجوزاء يشبه الطماطم، لا يعرف أحد هى فاكهة ولا خضار، لكن فى النهاية محدش يقدر يستغنى عنها؛ لأنها مكون أساسى فى معظم أصناف الأكل.

وواصلت أن برج السرطان يشبه السبانخ، سمعتها وحشة وكل الناس ظلماها ومش بتحبها حتى من غير ما تجربها بالرغم من أنها مفيدة جدًا وطعمها جميل، لكن للى يفهم ويقدر.

ونبهت أن برج الأسد يشبه البطاطس، كل الناس بتعشقها بلا استثناء، صاحب الدايت بياكلها مسلوقة، و صاحب المزاج بياكلها محمرة، واللى بيقدر الأكلة الحلوة بياكلها صينية، المهم أنها بتقدر ترضى كل الأذواق.

وأردفت أن برج العذراء يشبه الجزر، مفيد جدًا وطعمه حلو، لكنه قوى وصلب ومش بيلين غير تحت درجة حرارة عالية جدًا وغليان فترة طويلة، أما الميزان باذنجان فبيرضى كل الأذواق، مخلل ماشى، بابا غنوج ماشى، محشى ماشى، مسقعة برضه مفيش مشكلة، وكل أصنافه أحلى من بعض.

ونوهت أن برج العقرب يشبه البصل، طبقاته كتير والوصول لقلبه صعب ومحتاج صبر ومجهود، ومش أى حد يعرف يتعامل معاه، وبرج القوس يشبه البطاطا الحلوة، طعمها جميل وبيتحلى بيه، ده غير أنها بتدفى وبتشبع، أم برج الجدي خيار، خفيف ع المعدة وبيرطب على القلب ومهما كلت منه مش هتتخن.

واختتمت أن برج الدلو يشبه الكرنب، فوايده كتير وبيخسس، لكن طبعًا لو أنت كييف محشى هتبقى بإيدك بتقلب الترابيزة على دماغك وبدل ما تخس هتتخن، أما برج الحوت بنجر، بيسيب أثر فى أى حد يقرب منه، لكن لازم تتعامل معاه بعناية شديدة عشان متبهدلوش وتبهدل نفسك معاه.