عليا فلوس واللي مداينّي عاوز يحبسني|مسحراتية تستغيث بالرئيس السيسي.. فيديو

غلبتها الدموع وهي تتحدث .. أقرب الأقربين ينفرون منها لأنها تعمل مسحراتية ولكنها لا تعلم كم الفرحة والبهجة التي تدخلها على الناس خاصة الأطفال الذين يلتفون حولها.. إنها الحاجة دلال مسحراتية المطبعة بزهراء بالمعادي.

التقى موقع صدى البلد الإخباري، بالحاجة دلال أول مسحراتية في مصر والتي كشفت عن معاناتها مع أقاربها بسبب أنها تعمل مسحراتية.

وقالت دلال والدموع تتناثر من عينيها: "اختى بتستعر مني مش عارفة ليه هوا أنا بشتغل حاجة وحشة لا سمح الله انكسرت وبقيت محرجة من اللي حواليا".

وتابعت :" بستنى الشهر الكريم عشان أفرح الناس والأطفال وأهي فرصة للمغفرة بتيجى من السنة للسنة مش بشتغل باقي السنة".

وناشدت الحاجة دلال، الرئيس عبد الفتاح السيسي وكل مسؤولى الدولة قائلة :" بدعيلك دايما ياريس ربنا يوفقك ويخليك لينا بس نفسي تقف جنبي وتساعدني عليا ٣٥ الف جنيه ديون وبعت جهاز بنتى ونفسي أسدد الديون اللي عليا لأن اللي مدايني عاوز يحبسنى ومين هيصرف على ولادي".

وأضافت قائلة :" اللي ربنا بيرزق بيه بصرف على ولادي وبسدد الكهربا والمياه نفسي أجوز بنتى وأسدد ديوني".