هجوم ثم تراجع.. قصة صراع زوجة أحمد الفيشاوى ومحمد رمضان

شهدت الساحة الفنية خلال الساعات الماضية صراعا جديدا بين ندى الكامل زوجة الفنان أحمد الفيشاوى والفنان محمد رمضان، عندما قررت “ندى” مهاجمة “رمضان” عبر صفحتها على موقع التواصل الاجتماعى فيسبوك لتطالبه برد حق أحد مصممى الأزياء الذى كشف عن تصميمه عدد من الملابس المختلفة للاسطورة ولكنه لم يسدد حقها.

ويعد هذا الهجوم الذى شنته ندى الكامل لم يكن الاول من نوعه حيث تكرر الأمر من قبل، وفى التقرير التالى نرصد التفاصيل الكاملة لأزمة ندى الكامل ومحمد رمضان.

ندى الكامل تفضح محمد رمضان

قالت ندى الكامل، عبر حسابها على “فيسبوك”: "ما تدفع يا نجم تمن الهدوم اللي خدتها، وخليت مدير أعمالك ميردش على الراجل الترزي سنتين ولما جه عندك عاملوه بطريقة بايخة، كنت أدفع أحسن من الفضيحة دي...أدفع تمن الـ4 سديري والـ3 بدل، وإلا هو كل شوية فالح بس تقولنا وغنيتهالنا كمان أن كل هدومك فيرساتشي فيرساتشي وأنت بتقلدهم ومخيط نص هدومك عند الترزية، وفاكرنا عبط ومنعرفش الأصلي من المضروب، وملناش دعوة".

وأضافت ندى الكامل خلال منشورها: "من فضلك يا نجم البس في صمت وادفع اللي عليك... ورجاء أخير يا ريت تنطق كلمة versace صح".

منشور اخر لـ ندى الكامل 

وكتبت ندى الكامل منشورا آخر قالت خلاله: "يا نجم مش عيب أبدا إن الإنسان يكون غني ومعاه فلوس ومبسوط بيها طالما هو شقي وتعب فيها... بس العيب عليك دلوقت، مفيش دلوقت في العالم كله وبتكلم عن الناس اللي معاها فلوس حد ماشي زيك كده".

وأكملت ندى الكامل: "الناس الفنانين والرياضيين ونجوم المجتمع بيكون عندهم big team عشان يهيئ حياتك وتعرف بتعمل إيه بفلوسك، ومفيش حد دلوقت غير وهو عنده life coach بيعلمك ويعرفك تطلع تقول إيه وإزاي وأمتى ودي مش عيب أبدا، الحاجات دي اتعملت مخصوص للناس اللي زيك، اللي هما في مستوى عقلي واجتماعي ضعيف أو ناس أغنية جدا ولازم team يدير الفلوس دي ومعاها حد يعرفك بتعمل إيه".

كان أشرف فجلة، مصمم أزياء المشاهير، خرج للحديث عن تفاصيل موقف مرتبط بالمعاملات المادية مع محمد رمضان بعدما تجاهل الأخير ومدير أعماله كل رسائله ومكالماته، بأنه قبل عامين صمم للفنان نحو 3 بدل وبالطو و4 "صديري" دون دفع مقابل لهم.

وبعد ساعات قليلة من نشرها لهذا المنشور قررت ندى الكامل حذف المنشور من صفحتها على فيسبوك خاصة ان البعض من متابعيها هاجمها بشكل قوى بسبب محمد رمضان.

أزمة بسبب استفزاز الجمهور بممتلكاته 

كانت ندى الكامل دخلت فى أزمة أخرى مع محمد رمضان، حيث كتبت منشورا لمحت فيه تلميحا مباشرا على الفنان محمد رمضان، إذ قالت: "زعلانة جداً جداً لأني ضد فكرة الاستعراض بحاجاتك وتفضل تتمادي لحد ما الحكاية بتبقي مرض.. زي ما بيحصل مع فنانين كتير الأيام دي... آه بيّن حاجتك وانبسط بس مش لازم تقرف الناس ليل نهار إنك (نمبر زفت وان)»، وهو الشعار الذي يرفعه رمضان دائمًا.

وتابعت ندى الكامل قائلة: "حرام فيه ناس لما بتشوف حد بيعمل كده بتتعقد وممكن تعمل أي حاجة عشان أسلوب الضغط النفسي للاستعراض بيخللي الناس عاوزة تكون كدة بأي طريقه وده خطر جداً".

إلا أنها بعد الهجوم عليها من جمهور ومحبي رمضان بعد الضجة التي أثيرت مؤخرًا حول تعليقها الناري ضد نجمهم المحبوب دون مبرر، ما أثار حالة كبيرة من الجدل، تراجعت عن إساءتها له.

وقامت بتغيير صورة حسابها الشخصي على فيسبوك، وحذف التعليق المسيء لمحمد رمضان، وأنكرت إساءتها عبر منشور جديد، مستخدمة كلمات التبجيل والتقدير له.

ادفع اللي عليك.. زوجة أحمد الفيشاوي تهاجم محمد رمضان

فيديو جراف.. محمد رمضان يواجه ورطة جديدة

وكتبت في منشورها الجديد، قائلة: «محمد رمضان رجل مكافح ذو عزيمة جباره.. وموهبة متفردة.. ورجل عصامي.. علي المستوى الشخصي إنسان ذو خلق.. وهو صديق لزوجي.. وشخصية متواضعة.. وأنا مجبتش سيرة محمد في حاجة ولا كنت بحاول توجيه أي كلام مباشر أو غير مباشر للأسطورة.. لأن اللي بيكتب مش أنا».

وتابعت قائلة: «مش عشان تجيبوا clicks تكتبوا كلام غريب من عندكم.. برجاء تحري الدقة قبل كتابة أي article واتأكدوا من الحساب اللي بيكتب باسمي عشان فيه impersonaters كتير... وفيه كذا أكونت fake باسمي.. ده راجل ربنا ادالوا حب للعربيات زي ما أي حد عنده شغف بحاجة... وأنا مقدرش أُسقط على محمد لأني عندي نفس الشغف ده. إزاي أهاجمه؟».