EN 
قال الإعلامي عمرو أديب، إن الإعلامي وائل الإبراشي كان يعاني من وعكة صحية بعد إصابته بـ كورونا؛ ما تسبب في ابتعاده عن تقديم البرامج التلفزيونية في الفترة السابقة، موجهًا رسالة إليه "أنا عارف يا وائل إن المذيع جهاز تنفسي، والمذيع مجرد صوت، ولو صدرى وجعنى شوية أنا انتهيت".
وأضاف “أديب”، أثناء تقديمه برنامج “الحكاية” عبر فضائية “إم بي سي مصر 2”، أن "وائل تعب في صدره، ويا وائل إن شاء الله تتحسن وترجع وتبقى معانا، وهو مذيع وصحفي شاطر وتختلف معه أو تتفق فهو من المذيعين اللى يتشافوا ويتسمعوا".
وتابع مقدم برنامج “الحكاية”، “شد حيلك يا وائل عشان نرجع نسمعك”، معلقا "لازم نقف مع زملاء المهنة، وجمهور وائل دايما بيسأل عليه ويسانده".
واستطرد “أديب”، "المذيعة إيمان الحصري شغلها دائما فيه بحث وتعب، وبحب اتفرج عليها، ولكنها عملت 6 أو 7 عمليات عشان تبقى كويسة، وإن شاء الله ترجعلنا تانى".
وأعرب عمرو أديب عن أمنيته بالسلامة للفنان سمير غانم والفنانة دلال عبد العزيز المصابين بـ كورونا.
